潘瑋柏暴肥照遭瘋傳　晒自拍反擊

台灣歌手潘瑋柏，近年轉戰內地發展嘅佢，早前開騷時被網友指「肥到頸都冇埋」，雖然一度嬲到喺社交網爆Seed，不過日前佢就再度喺社交網發文透露，自己最近一直比人話：「你很瘦呀，哪有發胖？」令佢唔知應該好嬲定好笑，最後更惟有傻笑回應，引嚟唔少網友留言道：「說你胖的人不一定比你瘦，不要在意，不吃飽哪有力氣減肥，再說你都瘦成甚麼樣了？」、「你很瘦！想怎麼吃就怎麼吃！」、「還是那麼帥啦！」、「清晰的輪廓下顎線。」