星玄｜陳敏之成「鐵馬家族」新成員？收囝囝DIY禮物甜入心

今日係6月9日農曆五月初四，是日最旺生肖係羊，人緣運不錯，聯誼會友可望盡興而歸。羊女陳敏之早前丁母憂，更首次度過沒有媽媽嘅母親節，但唯幸有樂天性格幫佢紓緩情緒，上月敏之更同一眾「鐵馬家族」好友相聚，日前更投入工作做直播帶貨，敏之你向來人緣運唔錯，多啲同好友見面傾訴，相信唔少觀眾都希望可以見到以往開心快樂嘅你。

敏之早前雖然人在內地工作，但仍不忘掛心仔仔，有空閒時更會與仔仔一齊視訊，母親節更收到仔仔親手製作嘅畫同勞作，仔仔咁生性懂事，敏之一定甜到入心啦。

至於幸運星係水瓶座，人逢喜事精神爽，讓自己做些感興趣的事。水瓶女姜麗文（Lesley）喺社交網上宣布同老公柏豪已在香港搞婚禮，日前更到電台為新歌宣傳，透露唔開心嘅時候，會寫日記同寫詩，又會將呢啲文字轉化成為歌詞，靠寫歌抒發情緒，而開心嗰陣就會去畫畫，其實Lesley能夠搵到適合自己嘅途徑去發洩情緒，都係一件開心事，未知Lesley有冇諗過開畫展，將令你開心嘅嘢同大家分享呢。