吳謹言新劇顏值遭質疑　貼身丫鬟靠靚樣上位

憑《延禧攻略》爆紅嘅內地女星吳謹言，喺事業大紅大紫之際，屢次傳出各種負面傳聞，以及孭飛劇集口碑收視太差，沉澱咗一段長時間進修演技，隨着佢學有所成，孭飛新劇《墨雨雲間》亦終於面世，緊張嘅劇情、精彩嘅報仇情節，都令該劇口碑收視雙豐收；不過，有好評自然有差評，對於吳謹言飾演嘅京城第一美女薛芳菲，有網友認為反而其身邊飾演丫鬟嘅演員艾米，顏值更勝一籌。

雖然網友對於吳謹言飾演京城第一美女唔Buy，但吳謹言演技方面則備受肯定，而出演京城第一美女嘅吳謹言，亦曾喺受訪時坦言壓力大，因此喺多個矚目嘅場面中，吳謹言都請導演加設道具背景，增添美人氛圍，如花瓣掉落嘅場面，營造出第一美人嘅仙女氣質。