梁雪瑤新歌發布李龍基臨時缺席：佢未婚妻可能都有影響！

前亞姐梁雪瑤（Sheryl）和雷有輝今日（9日）出席梁雪瑤新歌《悲傷成長書》MV發布及生日派對。Sheryl稱原本活動上邀請到李龍基參與，不過可惜對方最後因事未能到場：「佢冇詳細講因為咩事嚟唔到，佢未婚妻可能都有影響，始終有官司在身，心情唔多唔少都可能會有影響（有冇慰問過對方？）冇，因為我哋中間都喺同經理人溝通，冇直接溝通機會，但有轉達。」不過她就透露接下來將會以嘉賓身份出席李龍基的音樂會，屆時可以好好直接關心對方。

Sheryl又言活動上除了會大展歌喉之外，更準備了魔術表演，她會親自上台擔任助手為大家表演魔術。上年完成了首個音樂會的Sheryl希望今年能夠繼續出新歌兼開騷，並想邀請許廷鏗任嘉賓。談到新歌MV，Sheryl指今次是特地到澳門進行拍攝，且由雷有輝做MV男主角。至於工作，Sheryl指現在正與電影公司商討合作，希望未來能夠在電影及歌唱事業上發展。