美女廚神張曦雯再鬥廚藝　評判竟然唔夠膽食？

藝人張曦雯（Kelly）與入行曾任廚師的徐榮為無綫煮食節目《拍檔廚房》任嘉賓，分別夥拍西式私房菜主理人及酒店助理主廚組成拍檔，首個回合的「拍檔聯乘」環節，Kelly組別以西式「慢煮三文魚流心溫泉蛋」及「果木煙燻白鴿胸利梳多飯（意大利飯）」出賽，為令Kelly煮好頭盤主角溫泉蛋，拍檔傳授零失敗63度慢煮溫泉蛋秘訣，另邊廂，徐榮與拍檔以中式的「話梅蓮藕烤麩」及「松葉蟹戒米飯」出賽，兩人合拍度爆燈，獲評判形容為金童玉女之餘，主持黃翠如亦讚二人樂在其中兼夠Enjoy。

而Kelly與徐榮的五分鐘速煮比拼，各自以拿手好菜「薑蔥魚雲」和「脆皮芝士煙肉燒生蠔」互撼，徐榮炮製過程全程皺晒眉，直言已甚少煮這道菜，單憑廿多年前的感覺煮出來，Kelly則坦言比賽過程心情緊張，感覺猶如回到當年選美時：「個心卜卜跳，好似回到選美嗰晚咁！今次特別緊張，評判好專業，對食好有要求。」未知是否太緊張，Kelly的製成品被評判直指唔夠膽食！