容祖兒素顏曝光　凍齡有術白滑嫩肌勁搶Fo

樂壇天后容祖兒，圈內有着極好人緣嘅佢，日前透過社交網同粉絲分享自己二刷《九龍城寨之圍城》，未料戲院太凍自己又着唔夠衫，散場之後竟然凍到流晒鼻涕：「前兩日又去多次九龍城寨，不過戲院好凍，散場之後兩行鼻涕，總之想病想病寒氣逼人！」眼見就嚟感冒嘅容祖兒，之後亦即刻去咗歎岩盤浴驅寒氣，並晒出多張素顏着浴衣嘅靚相，只見瞓完岩盤嘅容祖兒臉色紅潤得嚟，仲容光煥發，凍齡有道嘅佢就算素顏自拍仍然省鏡，引嚟唔少網友留言激讚外，更紛紛留言想去巧遇容祖兒。