樂基兒峇里繼續做名模　瞓沙灘被巨浪瘋湧冇怨言

名模樂基兒近年轉行做靜修導師。更疑似去到峇里島定居，不過唔好以為佢就此放棄螢光幕前嘅模特兒工作，日前佢就晒出喺峇里島進行攝影工作，大騷豐滿好身材。已經晒得一身古銅色嘅佢，去到沙灘進行拍攝工作，先後換上火辣透視裝及Deep V吊帶晚裝嘅佢，對於Model job真係易如反掌，見佢喺陽光猛烈下開工，都依然笑容十足，明明一身貴價衫褲上陣，佢都唔怕又濕又污糟咁喺石頭及沙灘上擺Pose，樂基兒專業瞓地，性感誘人，點知忽然嚟個極大海浪，沖到佢渾身濕透，人都幾乎沖走埋，佢都仲係笑笑口，敬業態度令人佩服。