鄉謠天后Carrie Underwood大雨表演跣親　直跌後台

美國鄉謠女歌手Carrie Underwood上周日於《卡羅萊納鄉謠音樂節》表演，臨近尾聲時天公不造美，突然下起傾盆大雨，不過Carrie繼續落力獻唱。表演結束她回後台落樓梯之際，因為地下太濕滑發生意外，她忽然失足直跌落後台，整個人一下子消失不見，引來台下觀眾驚呼。

幸好Carrie似乎未有大礙，事後她於社交網站分享演唱會照片與影片，留言暗示失足事件：「咁樣，尋晚的確係好正！雖然個尾都幾係預料之外，但令到我哋永遠唔會忘記呢晚！多謝大家咁投入。」她又表示：「我哋唔會畀小小雨阻擋到！我哋亦唔會畀傾盆大雨阻擋到！」