谷婭溦自爆曾有輕生念頭　望新歌鼓勵大家愛惜自己

歌手谷婭溦現身電台宣傳新歌，透露早年受網絡欺凌曾患抑鬱兼有自殺念頭，故望透過新歌鼓勵大家要愛惜自己：「我想話畀大家知，一定會有人鍾意你同唔鍾意你，唔好為嗰啲唔鍾意你嘅人傷害自己，佢都唔鍾意你，根本唔會在乎你所有好與壞，或者對你傷害有幾大，咁點解你要為傷害你嘅人折磨自己？」

她坦言最初受到攻擊時只懂得將自己躲藏起來，更不停吸收負能量，以至情緒出現問題，最嚴重時更想過衝出馬路自尋短見，她說:「當你跌入呢個洞時，會出現好多聲音，所有唔好嘅嘢會喺耳邊不停鬧你，後尾我離開咗香港半年，去咗北京中央戲劇學院讀戲劇，有個課程叫解放天性，讀完之後開始知道點發洩負能量。」更指當時雖然有向情緒科醫生求診，但最後全靠自己走出陰霾，一步步康復起來。