莊思敏疑被外籍男撞胸博懵　莊思明：勸佢着多啲衫

藝人莊思敏、莊思明、楊明、陳庭欣、仙樂都與女兒晚上到沙田出席泰國新片《全職乖孫》首映。莊思敏最近晚上在灣仔街頭疑遭色狠撞胸博懵，相當激氣，她受訪說：「又唔可以話佢非禮，但一定係惡意，佢直情衝住撞埋嚟，撞到我半邊身，係一個外籍男人，好冇禮貌，嗌住佢都冇反應繼續行，有一刻以為係偷嘢。（係咪衣着太暴露惹色狠﹖）又唔係，嗰日著恤衫，唔通大熱天時著樽領咩，都係正常服飾。（搵返個男朋友護花﹖）都要喇，要搵多幾個。」她又指再拍拖希望對象大家能多點時間見面，笑言最合適是找一個和她一樣工作時間不穩定的男朋友。

莊思明指看新聞才知道家姐被搏慒，她笑說：「可能佢大件容易畀人撞到，佢依家著衫都冇以前咁暴露，不過，都勸佢着返多啲衫出街。」思明又自言出街衣着低調，故沒有發生遭博懵的情況，楊明則開玩笑指要介紹壞朋友給莊思敏認識：「講笑啫，都好難介紹，都要佢鍾意先得。」思明指她的朋友家姐也認識，故難以介紹。