林更新磨拳擦掌「激戰」劉亦菲　成功考入上戲博士

內地一線小生林更新上個月同頂流女星趙麗穎喺古裝劇《與鳳行》組完CP，嚟緊就即將播出熱播劇《玫瑰的故事》同劉亦菲「激戰」場面，劇接劇忙到癲，不過今日（12日）上海戲劇學院公開2024年博士研究生擬錄取名單，顯示林更新已被上戲戲劇影視表演創作方向擬錄取！佢喺《玫》入面嘅角色只係讀研究生，估唔到現實中林更新更係考博成功，即獲大批網友恭喜，「#林更新考博成功#」更成功登上熱搜第一位，至下午一點半，已有逾1.3億閱讀量。

早前上海戲劇學院2024年博士研究生復試名單於網上瘋傳，當時已經見到林更新個姓名，上戲招生辦公室工作人員當時亦急急回覆稱，名單中嘅林更新就係本人，並強調表示每一位考生都係一樣，唔會存在特殊對待，復試都是會按照正常流程去錄取的。