女星機場耍大牌迫路人讓路　程瀟無辜中箭急發聲

尋日（12日）網上忽然爆出「#某明星 坐電梯耍大牌#」熱搜，網友瘋狂討論，源頭嚟自一位網友爆料指，日前現身機場航站大樓搭電梯時，忽然見到電梯外有大批人拎晒手機影住一位靚女，此時保安對電梯內旅客表示：「電梯裏的人先下來！她是XXX！」引發旅客們不滿。位女明星最後都入咗電梯，不過旅客們就寸爆當住佢面問「她是誰，怎麼神經病這麼多，為甚麼要我們下來，好好笑」、「我們不認識她」等譏諷，質疑憑咩明星就可以妨礙其他旅客正常通行。

網友即柯男上身，以爆料網友提供嘅機場粉絲照去估女明星為何人，最後由於程瀟、吳宣儀等女星近日出現機場，因而遭到點名。當大程瀟粉絲就晒出當時影片，證明程瀟搭嘅電梯本來就冇人。

二人所屬公司中國北京樂華娛樂亦發表聲明，指出旗下藝人程瀟、吳宣儀被影射係搭電梯耍大牌女星，此為不實揣測、過度關聯：「相關不實言論已引起社會公眾對我司藝人誤解與質疑，嚴重影響藝人聲譽，望廣大網絡用戶理智地面對網絡信息，不信謠、不傳謠。相關涉及工作人員非藝人團隊成員，也非我司工作人員。」