林家謙自嘲金魚記憶　Tyson Yoshi婚禮拒做兄弟

歌手林家謙今日（13日）現身昂坪為卡通人物聯乘活動擔任嘉賓，吸大批歌迷到場支持。他表示自小已喜歡該卡通人物，又會收藏其精品，笑言一直希望能得到其法寶：「最想有記憶麵包，因為我係『金魚記憶』，琴日食過乜今日已經唔記得。（你應承人哋嘢點算？）我會努力記住。」他笑言不會被不快事情一直影響，因轉眼已忘記，問到是否已忘記其好友Tyson Yoshi，於《Chill Club推介榜年度推介23/24》頒獎禮替他代領「年度唱作歌手」獎時失言一事？他笑指大家應該知道對方純粹搞笑：「一早知佢咁講，大家都知唔係我講！以後嘅頒獎禮，有佢無我，搞頒獎禮嘅要諗清楚請邊個，哈哈！（水火不容？）都唔係嘅。」

提到好友Tyson Yoshi早前求婚成功，他表示一早知對方會求婚，更笑稱自己特意將出碟日期延遲，以免被搶風頭，問到會否為對方擔任兄弟團？他表示不會，但可以為對方於婚禮彈鋼琴伴奏。