王大陸慘遭柯震東出賣　陳年黑歷史曝光

外形俊俏嘅台灣型男柯震東，近期有份演出唔少人氣台劇嘅佢，事業再創巔峰之餘，加上不時透過社交網同粉絲互動嘅關係，親民個性亦令佢圈粉無數，而隨着畢業季嘅來臨，柯震東亦晒出自己嘅畢業照，未料就意外爆出王大陸10年前嘅衣着打扮，型到爆裂嘅Look更瞬間引嚟網友討論。

只見10多年前嘅柯震東依然活潑俏皮，不過一旁嘅王大陸就意外搶Fo，2人意料之外嘅同學關係，引嚟唔少網友好奇道：「你和王大陸在學校誰比較歡迎？」對此柯震東亦搞笑要求粉絲望住張相道：「再摸着內心問這個問題！」另外，柯震東亦加碼曝光王大陸約10年前嘅舊相，王大陸冇乜點變嘅靚仔樣更令網友驚嘆道：「王大陸好像從小就長這個樣子欸！沒變過？」