張學友今晚攻巨蛋　無預警取消騷前「見面會」

「歌神」張學友上周因確診感染RSV（呼吸道合胞病毒）而要連取消3場台灣小巨蛋演唱會，最後延今日（14日）起一連3日演場會，更如期舉行。尋晚（13日）佢已搭乘私人專機抵台，準備今晚攻蛋，約200名歌迷亦早早喺小巨蛋外排隊等釋票。

張學友今晚將會係病愈後首度露面，復原狀況備受各界關注，逾百位歌迷一早就喺佢下禢酒店守候，盼歌神按前3場慣例，今日前往小巨蛋綵排前會現身1樓同歌迷相見。但稍早約2點幾，一名黑衣工作人員向現場歌迷表示學友今日唔會落樓同歌迷見面，要大家「晚上見」，意指晚上演唱會將如期開唱。不過歌迷對未能同偶像互動感失望，同時亦頒學友可以好好休養，今晚演出時狀態良好。