啦啦隊女神Yuri化身兔女郎　螞蟻腰瘦到見骨

台灣樂天女孩（Rakuten Girls）啦啦隊女神「Yuri」陳怡叡，有着甜美靚樣及出眾氣質嘅佢，唔止喺球場表現亮眼，近年跨界演藝圈嘅佢，更係憑精湛演技圈粉無數。而不時透過社交網分享生活點滴嘅佢，日前就喺社交網晒出3組風格迥異嘅性感靚相，先係着白色緊身衫T襯牛仔褲嘅佢淡妝示人，清純氣質冧暈唔少粉絲；另一組戴上兔耳頭飾襯運動風嘅相，雖然瘦到肋骨現晒形，但纖纖小蠻腰及結實川字肌，仍然相當搶Fo。

除此之外，身穿黑色牛仔套裝擺出冷艷表情嘅Yuri，大騷香肩鎖骨及白滑長腿，整體望落頹廢得嚟又性感，同平時清純打扮嘅極大反差感，認真冧到暈。