洪永城不滿羅子溢咀愛妻　拍片怒吼：有冇搞錯次次真錫

藝人洪永城（Tony）老婆梁諾妍在劇集《家族榮耀之繼承者》中與羅子溢有連場激情戲、又咀又床戲，睇到Tony眼火爆。打翻醋埕的他在社交網旁述「直擊老婆親熱戲」後，最近又出新片點名要「指導」羅子溢拍攝親熱戲。

Tony看見老婆與羅子溢咀戲「嬲爆」說：「又錫、再錫，有冇搞錯呀！使唔使次次都真錫呀！羅子溢。」Tony點名要教羅子溢3招，假錫也可以拍攝到有真咀的效果。Tony找來蔡景行做到手戲示範。第一招要先忍笑，然後用後腦擋鏡頭。Tony強調這方法必須忍笑：「先用後腦對着鏡頭，慢慢走近你嘅對手，跟住同佢眼神示意。」

Tony繼續分享第二招「瞞天過海」表示鏡頭要運用得好才能掩人耳目：「首先同對手眼神交流，然後準備咀喇。但係千祈唔好嘟嘴，要用嘴唇對住佢頸，喺頸度徘徊，上面嘅演員就自己演，咁就得㗎喇！。」

最後一招則是「移形換影」用意識形態包裝成情慾戲:「要錫嘅時候，唔好理咁多冚被先。」Tony與行仔表演誇張得來投入獲網民激讚搞笑：「影片好笑程度100%。「竟然有人拍影片教人吻戲。」