艺人林保怡、陈法蓉、张振朗、傅嘉莉（Kelly）、陈自瑶、高钧贤等，今日（14日）于佛山出席《刑侦12》开镜仪式，逾百台前幕后工作人员出席，期间齐齐切烧猪望拍摄顺利，场面热闹。林保怡透露今次跟陈自瑶（YoYo）会演情侣，虽然场口未拍，但大爆会几激情，笑言叫总监制锺澍佳为YoYo加泳衣戏，若对方肯的话自己也不介意穿泳裤上阵。

YoYo被问到保怡叫她穿泳衣时，她笑言若自己要穿比坚尼，保怡就要着三角泳裤，不过林保怡就指自己可能会着T-back，又指首次跟保怡合作好紧张，对方亦有叫她可自由一点，演出来会较自然。

高钧贤受访时笑言自己终于“大个仔”，剧中正式荣升高级执法人员，更要经常着西装拍摄，他谓：“虽然依家天气好热，会较为辛苦，不过都系值得嘅！”说到之前于《新闻女王》中，饰演李施嬅暖男男友的他成为“国民女婿”，内地人气急升，他谓：“多谢佳导（锺澍佳）之前搵我拍《新闻女王》，令我喺内地有好多演出机会，都带挈我拍咗好多广告，好多谢佢再次搵我，我同陈自瑶都好耐冇见，法蓉姐之前喺《一舞倾城》合作过，嗰阵我做学生，我都好荣幸可以同保怡合作，今次大家好多对手戏，喺佢身上学到好多。”

傅嘉莉在剧中饰演心理学家，亦是犯罪心理学的侧写师，她表示：“今次系我第一次饰演专业人士，无论我嘅角色、故事都系好丰富，系我入行以来嘅一个大考验，简直系我嘅考牌之作，因为各方面都要去到我嘅极限，甚至系超越我觉得我可以去到嘅程度，包括对白有好多专业名词，又有好多感情同情感戏，面对犯人有啲激动同动作戏份，我每日都好似情绪过山车咁，加上之前开咗好多我嘅主景，每日拍完返去做功课又再拍，无论系身体同精神上都系大考验，我要喺一个好攰嘅情绪下都要演得好。”

提到拍档林保怡，Kelly直言最深刻是拍摄首日的首场戏正是跟对方合作：“我好大压力，好紧张，好在最后都顺利完全。佢真系个大前辈，以前睇佢演嘅《妙手仁心》以及好多剧集，有幸喺佢身边演对手戏真系好开心嘅礼物，好多谢总监制锺澍佳畀呢个机会我。”而Kelly跟张振朗会有感情戏，她对对方赞不绝口：“佢真系一个好好好好嘅对手，佢畀我百分百嘅投入度，如果唔系佢，我都唔会做得咁好，同佢合作好开心。”