何泳芍做奥運主持　有信心讀熟「天書」

藝人何泳芍（Honey）和林溥來（Patrick Sir）出席漂書節活動時，談及她早前在J2節目《開卷》最新一集中，因Patrick Sir口出狂言，指如100歲時有30歲的身體機能，就會娶多幾個老婆，令她忍不住寸他說該集應是他最後一集，她說：「其實我同佢講笑咋，嗰集梗係唔係佢最後一集啦，我哋喺節目內外都經常互寸，未試過真係嬲，觀眾亦鍾意呢個效果 ，其實Patrick Sir好支持我哋年輕一輩主持，戥我哋有唔同工作而開心。」

談及她將以「新奧運六星」身份之一主持奥運節目，她表示知道「天書」會有幾吋厚，但有信心可以讀熟，因她有讀書潛質，又謂雖然未有機會飛抵巴黎做採訪，但未感太失望：「因為去巴黎會好忙，除咗要採訪運動員外，晚上又要繼續做功課，我都好想去現場感受氣氛嘅，但留喺錄影廠做主持，都可以為運動員打氣嘅。」