容祖兒鄧小巧生日會　大玩Lucky Draw掀高潮

英皇娛樂為五及六月生日的藝人容祖兒及鄧小巧舉行生日會，與同事聯歡，英皇集團主席楊受成亦有出席，與兩位壽星自掏腰包拿出現金，與同事大玩Lucky Draw掀高潮。開飯前，祖兒及小巧逐枱跟同事們敬茶，祖兒表示：「多謝各位支持我同小巧。」

一向性格爽直的小巧突然感尷尬，細聲地說：「我依家好驚呀……尷尬癌發生緊，哈哈！」祖兒即講笑：「唔駛尷尬㗎！雙子座係唔駛驚㗎！你係咪雙子座呀？」點知小巧指自己是巨蟹座，惹來全場大笑，祖兒即說：「哦！咁你真係應該驚，哈哈！因為雙子座係好大膽㗎嘛！」小巧解釋尷尬原因是害怕一大班人一同慶祝，每次人多就不懂跟所有人打招呼，一起唱生日歌又會覺得好怕醜，笑言：「所以我慶祝生日嘅方法就係唔慶祝，哈哈！」生日願望方面，她們表示最緊要身體健康，祖兒表示生日正日會跟屋企人食飯，現正密鑼緊鼓準備澳門演唱會，希望演唱會順利good show。