星玄｜陳奕迅取消演唱會鬧風波　病後出關一夜回春

今日係6月16日農曆五月十一，是日最旺生肖係虎，財運好到極，參加抽獎易有意外驚喜。肖虎嘅陳奕迅（Eason），近日忙着舉行巡迴演唱會，日前更因為身體不適，要親自上台向歌迷道歉，雖然主辦方喺賠償方面，激嬲一眾歌迷，但好彩最終可以平息，Eason嚟緊財運好，不如趁休息之際，諗下會唔會再加開多幾場，歌迷開心之餘，你亦都可以搵返啲，一舉兩得呀！

而最近Eason喺社交網晒出多張相，佢戴住頭盔，笑住騎住電單車四圍兜風，睇嚟身體應該好返唔少，令粉絲即刻放心唔少。而且Eason仲孖住老婆徐濠縈一齊跑步，跑完齊齊歎咖啡，獲網民大讚回覆年輕。

今日幸運星係處女座，運氣好得令別人羨慕，宜多做有意義的事。內地網紅周揚青就係處女座，早前佢參加內地真人騷《乘風2024》（又名《浪姐5》），向來冇唱跳基礎嘅佢，喺節目中不斷突破自我，一直捱到第3次公演，最終都係避唔過淘汰命運，不過周揚青就話雖然人走咗，但就擄獲到友誼同大批粉絲，周揚青嚟緊運氣好到不得了，不如試吓做一啲有意義嘅嘢，話唔埋會令人氣再升高！