郑俊弘父亲节悲喜交集　期待囝囝叫一声爸爸

今年的父亲节对郑俊弘而言确实是不一样，有悲有喜。他的两岁囝囝郑赞廷半年前证实患上“天使综合症”，作为父亲感自责之馀亦深受打击，但每朝看见儿子天使般的笑容，亦变成他的快乐泉源。为免愈想愈彷徨，他都不想太远，在囝囝身上学习活在当下，更期待儿子亲口叫一声爸爸。

郑俊弘(Fred)与何雁诗的两岁儿子郑赞廷（Asher）半年前经基因测试证实患上罕见病“天使综合症”，虽然儿子患病，但他指今年父亲节都会一家人外出开心吃饭庆祝，Fred接受东网独家专访时坦言每日见到儿子都好开心，“一起身叫吓佢郑赞廷，佢又笑、我又笑，揽住佢就好温馨。个囝系我嘅开心果，开工时都不时睇吓佢啲相，或者喺屋企个Cam度望吓佢。”

Fred透露每日都期待为儿子冲凉的亲子时间：“一做完嘢就返屋企，唔会特别约人食饭，因为由佢出世到依家，每晚都系我同佢冲凉，冲凉前同佢玩好耐，除衫同佢玩“Bu Bu唧”，佢笑得好开心，透过Bu Bu唧亦训练到佢识爬、识翻身，佢好锺意水，冲凉系我哋两父子最开心嘅时间。”

Asher虽然未懂说话，但父亲对他的爱也能感受，更用自己的方式向爸爸表达，Fred说：“佢表达爱，会挨个头埋去你个头度，就系想同你讲I Love You，佢一挨个头埋嚟我就知，好sweet、好温馨，个囝一直都好黐我，自己一有时间就同佢玩。”作为父亲的Fred只有一个简单愿望，就是希望囝囝有日能够叫一声爸爸：“期待听到，相信一定会听到，佢一定会讲到。”

作为一家之主肩负起重担，Fred直言也有压力，希望能提供到最好的治疗给儿子：“我承受到，顶得住。”半年前Fred得悉儿子患病时大受打击，感到自责，质疑是否自己健康问题令儿子患病，花了一个月时时间才走出困局：“要经时间去过度，过咗就接受咗，起码知道咩事，先可以谂办法治疗。”对儿子的将来，Fred曾经有过不少画面，希望教他健身、打功夫、弹结他等等，但现在统统要放低，只祈望儿子身体健康：“唔想佢因为呢个病辛苦，尤其系脑抽筋，呢样要谂办法解决，最紧要佢健康、开心。”

对儿子的将来，作为爸爸自然感到担心，但亦从儿子令他释怀，学到活在当下：“之前会谂好多，依家反而喺佢身上学到活在当下，见佢做治疗辛苦、会抗拒做物理治疗，见佢系吃力亦见到佢好努力去做，可能过几分钟揽番佢，佢又唔记得咗会笑番。”他直言现在不会想太遥远的将来，想得太远反而更加觉得彷徨、迷茫，会选择乐观点、正面点，“今日冇乜点抽筋、胃口几好、肠胃几好、去到便便，已经系Good day，希望一日一日咁去赢。”面对困难重重的挑战，Fred直言儿子天使的笑容起了最大鼓舞作用，令他忘忧：“有时担心、做嘢好攰，佢笑一笑就觉得乜都值得，个仔系我嘅天使。”

化妆、发型：Joanne＠Starry Avenue