嫌老公賓艾佛力常躁底　珍妮花露柏絲放棄挽救婚姻

拉丁天后珍妮花露柏絲（Jennifer Lopez）與美國男星賓艾佛力（Ben Affleck）早前傳出婚變，雖然兩人試圖挽救婚姻，但知情者透露珍妮花現已心灰意冷：「珍妮花已經受夠，佢真係努力嘗試，但都盡晒力，婚姻冇好到，仲繼續差。」據稱珍妮花不滿賓佬長期躁底，有如《芝麻街》角色「垃圾蟲奧斯卡」。知情者又表示：「珍妮花依家集中健身，陪多啲孖仔女Max同Emme，計劃2025，包括開返原定今年7月舉行嘅巡迴演唱會。」