林家謙重現大雄經典造型　與鄭子誠做父子

歌手林家謙日前出席昂坪360的多啦A夢展覽活動及拍攝廣告，穿上黃色經典上衣重現「大雄」造型，與「音樂情人」鄭子誠飾演父子，他說：「呢條片又唔係扮大雄嘅，係講我同鄭子誠前輩嘅父子情，成個感覺都好溫馨呀？今次係我哋第一次合作，感受到對方嘅專業，學吓咩叫做『演技』。」

自少已是動畫迷的他常在家中唱兒歌：「入行後其實我未試過唱兒歌，睇怕都未必有呢個Market，我都冇Tyson Yoshi咁受學生『歡迎』，不過如果邊個咁大膽搵我都想試吓嘅。另外我都想試吓做電影配音，不過唔知可以聲演啲咩角色，超級英雄就肯定冇我份，我把聲都唔夠霸氣。」他自認是多啦A夢迷，所以趁機四圍打卡，還希望有機會在同一地點拍MV。

而鄭子誠就大讚林家謙專業，搞笑話認是他的粉絲 :「佢唱歌點會似胖虎啊？我都好欣賞佢嘅歌，佢係好有才華同個人風格嘅唱作歌手！今次拍攝我話畀人知會同佢合作，不知有幾多姨姨羨慕，仲話想跟埋嚟見吓佢添，就知佢幾咁受歡迎！」