林奕匡為賺奶粉錢甘被漆彈狂掟　搞到周身瘀傷

歌手林奕匡（Phil）近日推出新歌《波希米亞（沒有）狂想曲》以唱作人身份鼓勵現在正默默奮鬥追夢的人，同時亦在鞭策自己，提醒自己要做想做的事。今次新歌Phil會親自擔任MV男主角受「皮肉之苦」，被其他演員接連不斷地投擲過百顆「漆彈」，當時除弄得滿身油漆外，Phil在拍攝完成後更發現自己被扔至渾身瘀傷：「都痛呀，畀人掟咗半粒鐘，嗰晚我都唔知點返屋企，因為我成身都喺油漆，所以我最後喺除晒啲衫，剩喺得褲，鋪晒毛巾就返屋企。」

即將做爸爸的Phil坦言對於未來要多養育一個小朋友有壓力，不過這亦是一個很好的推動力：「就算做得辛苦啲，但為咗賺奶粉錢都應該嘅。」為了未來生活Phil言想儲更多歌曲傍身，以及增取和不同藝人合作，他更直接點名指想和歌手Serrini(梁嘉茵)合作，認為對方有好多和自己相反的地方：「佢嘅思維同我完全唔同，我平時睇佢訪問，佢完全喺另外一個想像空間，所以我覺得同佢合作會好有火花。」

化妝：Echo Wong

髮型：Cream Mok