「超人」亨利卡維爾就做老竇　父親節請教網友育兒經

飾演DC超級英雄「超人」的41歲英國男星亨利卡維爾（Henry Cavill）今年4月宣布其34歲女友Natalie Viscuso懷孕的喜訊，他趁昨日（16日）父親節，於社交網站上載與嬰兒床的合照，留言請教網友育兒經。

亨利表示：「噢係啦……父親節快樂呀你哋班老竇。係咁嘅，我就快要加入你哋尊貴嘅行列！有冇咩貼士？？」他又以自己玩桌上戰爭遊戲《戰鎚》（Warhammer 40,000）的狂熱愛好自嘲：「仲有唔使擔心，細路出世後張嬰兒床唔會有枕頭，淨係得膠水同𠝹刀，咁他或者她就可以砌《戰鎚》模型啦。」