胡歌靚仔樣變晒形唔敢呻　大細眼歪鼻乜都有齊

內地男神胡歌擁有帥氣外形同精湛演技，出道多年都穩坐男神之位，不過尋日（16日）佢為上海國際電影節拍攝嘅宣傳影片上架，於影視平台官方帳號公開，然而影片中，可以明顯見到因為美顏濾鏡開盡嘅關係，胡歌臉型、五官都嚴重變形，後方背景牆上面嘅線甚至歪曲埋，非常離譜。

隨後，胡歌轉發影片問說：「請問這是甚麼濾鏡？背景都變形了！」平台竟回覆：「我們愛哥愛到了變形！」結果胡歌又表示：「是我幸福到變形了。」似乎都唔敢對靚樣變形有投訴，更引粉絲留言笑說：「你都變外星人了」、「你終於意識到你生圖最好看了」、「開了瘦臉吧」明顯filter效果不被網友接納。