「七魔女」水着放題！佘詩曼晒魚網泳裝玩透視誘惑

視后佘詩曼（阿佘）近日孖「七魔女」嘅好姊妹周家蔚、湯盈盈、梁靖琪、文頌嫻、姚樂怡同鍾麗淇一齊去泰國旅行，享受陽光與海灘，早前阿佘已經有晒出戴住黑超，着住吊帶衫喺泳池旁邊影嘅自拍，不過當時就未有晒出全身相，令一眾網民都好期待佢可以大晒泳裝派福利，到咗今日（17日）佢終於一圓網民心願，喺社交網晒出一系列泳照，以魚網泳裝上陣，大玩透視誘惑，雖然「峰」頭未算強勁，不過佢嘅白滑肌膚同樣搶Fo，網民大讚佢逆齡有術，係名副其實嘅美魔女呀！

唔知阿佘係咪見大批網民留言畀Like，佢之後再出Post大晒阿佘孖一眾好姊妹着上泳裝嘅大合照，實行加碼派福利，不過合照中就未見文頌嫻入鏡，令網民都感到可惜，嗌阿佘可唔可以再Post多啲相囉！