Frankie晒「女友視角」粉絲Like爆　阿嫂激罕現身回應

男團MIRROR成員陳瑞輝（Frankie）去年平安夜於社交網宣布新戀情，不過由於女友是圈外人，Frankie極少公開放閃。不過最近Frankie頻頻晒出「女友視角」靚相，深受一眾皮寶寶（粉絲暱稱）歡心，於是有粉絲轉發貼文大讚Frankie女友攝影技術：「想講佢呢個女朋友影佢好好睇，終於有啲相睇吓，仲要係靚得嚟，唔係重Filter亂拍啲，咩都想睇啊！」更有人直言：「呢個呀嫂直情改變哂佢成個人咁，真係祝佢哋繼續幸幸福福！」

令粉絲感到驚喜的是竟然引來本尊親自回應，一個名為@229Christy的帳號在粉絲貼文下留言說：「多謝皮寶寶嘅厚愛，我會影多啲比大家睇同埋爭取多啲福利」，而隨後Frankie亦回覆女友：「難得迫到你出嚟講多謝，我都要多謝你！你影啲相好靚！」。Frankie難得公開放閃，一眾粉絲都笑言被閃到要戴太陽眼鏡。

其實自從Frankie公開新戀情後，大家都對其女友感到好奇，不過Frankie女友的社交平台是私人帳戶，再加上Frankie對女友十分保護，公開的資料非常少，暫時只得一張戴口罩露眼的照片，看來相當低調。