陳詩欣蔡嘉欣晒「窒息」水着　拜金旅行團最豪氣

「拜金港姐」蔡嘉欣最近同「一件頭女神」陳詩欣及蔡嘉欣家姐Nicole等一行七人飛西班牙豪玩，今次佢哋個「港女拜金旅行團」食好住好，蔡嘉欣同陳詩欣更係洗版式公開比堅尼索相，火辣到令人窒息。

蔡嘉欣與陳詩欣最終目的地係馬略卡島，陳詩欣帶晒多套吸睛泳衣到當地，換完一件又一件，陳詩欣留言：「In Love with Mallorca 帶大家參觀呢幾日的villas，特別鳴謝蔡嘉欣你航拍技術一流」只見佢哋住嘅villas又大又豪，複式單幢別墅再加戶外私人游泳池，齋睇相都知使咗唔少錢。

陳詩欣轉頭再出限時動態，笑言係「唔理老公系列」，再晒火紅泳衣嘅高清近鏡version。尋日（17日）佢一到塞維利亞又晒新水着，純白三點式一樣噴血，真係一秒都唔畀網友對眼抖吓，出post密度令粉絲狂讚。