黃曉明增肥逾30磅扮禿頭中佬　演身障人士博攞獎

內地影帝黃曉明為藝術博到盡，演技有保證嘅佢，最近有新片《陽光俱樂部》上映，佢更放棄靚仔外表飾演身障人士，為演出智力不足嘅成年人，即變身為肥叔叔，刻意食肥15公斤（約33磅），變成肚肥油嘅禿頭中佬，更要戴上牙套、孭小學生書包，個口仲成日含住支棒棒糖，為新片犧牲好大。

黃曉明尋日（17日）出席新片記者會，為詮釋呢個角色，佢特地到慈善機構住足一個月，令自己更了解身障人士生活同作息，不過佢喺電影煞科後即開始努力減肥，笑稱只食一塊無糖餅就好滿足，更自嘲依家喝水都會肥，好在都已經變番靚仔。