星玄｜賴慰玲成功考獲電單車牌　獲網民封做「霸氣女神」！

今日係6月19日農曆五月十四，幸運星係巨蟹座，獲好運氣加持，專注事業發展，易有得着。巨蟹女賴慰玲（Winki）早前同黎諾懿喺劇集《婚後事》入面，有「浴缸交纏」戲份，從而成為網民熱話，之後佢又有份為，劇集延續出來嘅綜藝節目《香港婚後事》做主持，密密做到冇停手。

上月底Winki喺社交網上宣布成功考到電單車牌，唔少網民得悉後，都紛紛留言大讚：「好有型」、「超型，霸氣女神」。而嚟緊下半年，佢將會分別有《非份之罪》、《非常檢控觀》兩套新劇推出，Winki你咁好運，相信你好快會遇到個好角色，令你嘅演藝事業有更好嘅發展。

至於肖豬嘅朋友，貴人運強，運勢好極了，易遇到熱心相助的貴人。人氣男團MIRROR成員Jeremy李駿傑就係肖豬，佢之前同成班隊友完成巡迴演唱會，走勻多個城市，早前推出新歌嘅佢，得到兩位樂壇貴人邱鋒澤同Serrini嘅加持，令佢打破過去歌曲風格，Jeremy依家貴人運強，不如搵多啲唔同嘅音樂人合作，尋找更多嘅可能性。