張曦雯潮玩寵物疊手challenge　慘食愛貓檸檬

到底狗聰明啲定貓聰明啲呢？「女神」張曦雯（Kelly）日前在社交網分享一個貓VS狗嘅Challenge。她先伸出手放在愛犬Nala面前，之後見疑似其圈外大隻男朋友Mark的手再疊在她手背上，而不停伸脷、口擘擘的Nala，在主人零指令下，竟然意識到Kelly所思所想，就好醒目咁將手手疊上兩人的手上，愛犬如此精叻，Kelly即大讚「good job」，又喪摸狗狗下巴及心口作嘉許，其男友更送上零食獎勵。

而鏡頭一轉，又見她的摺耳貓貓Louie出現，她如之前一樣，將手放在貓貓面前，之後疑似Mark再疊在她手背上，同樣嘴舔舔的貓貓聽見Kelly叫牠名字「Louie」時，貓貓只望了他倆的手一眼，就毫不留情地擰轉身兼用背「得」住Kelly，慘食大檸檬的她未有「嬲豬」，只是哈哈大笑，雖然這個小實驗不能代表貓比狗蠢，但就證明「女神唔係大晒」，貓咪不愧係世界上最有性格的生物。只係當貓咪心情好時，Louie都識出冧招，就係用手掂住Kelly手臂陪瞓覺，咁鬼sweet教主人如何不愛牠呢？