周子瑜25歲生日Party勁盛大　4國語言感謝粉絲

韓國人氣女團TWICE嘅台灣成員周子瑜，人靚聲甜嘅佢，同時亦憑精緻五官圈粉無數。而日前（14日）迎來25歲生日嘅佢，唔止開直播同粉絲分享喜悅，收到滿滿祝福嘅佢，事隔2日更喺社交網晒出中、英、日、韓4語向全球粉絲道謝，並期許自己「努力成為更好的人」，滿滿嘅正能量引嚟無數粉絲留言激讚。

而從相中所見，身穿白色背心襯長牛仔褲嘅周子瑜，充滿清新自然嘅少女氣息外，喺一片花海嘅禮物中，更完美演繹出咩叫人比花嬌外，周子瑜亦特別向愛佢嘅粉絲喊話：「感謝在世界各地的ONCE還有愛我的人給予我生日祝福。看到在許多地方支持我給我愛，讓我感到滿滿的幸福感，你們總是使我覺得每一次的生日都這麼特別。」