港姐起底︱「胸猛」張玥擁100cm上圍　4年前曾戰亞姐

新一屆香港小姐競選前日（17日）進行首輪面試，當中被視為「胸猛」一族、現年26歲嘅張玥，當日就表示自己身高1米83，上圍尺寸更「好似有100厘米」玲瓏浮凸令人眼前一亮。翻查資料發現，原來張玥早喺2020年曾參選亞姐，佢同樣以高䠷身材及驕人上圍吸睛，賽前更被視為大熱。當時張玥接受訪問時透露父母身高1米7以上，當年佢稱擁37吋上圍，即約93.98厘米，似乎冇見幾年佢咪咪又再發育！

當時佢曾稱身高為自己帶來不便，買衫時啲褲會比較短，好在唔使特別去訂做衣服，當年仲話已經單身三、四年。可惜靚身材未為佢帶嚟好運，最終亞姐三甲不入，賽後受訪更坦言感失望，自認應該係前三名。