E奶峮峮再登日本熱搜　虎耳頭飾萌爆全場

台灣啦啦隊「Passion Sisters」成員峮峮（吳函峮），有着玲瓏浮凸身材嘅佢不時喺社交網大派福利，人氣更係高踞不下。而日前，隨着台北大巨蛋舉行「阪神甲子園球場日」，峮峮更同其他啦啦隊女孩一改昔日風格，特別佩戴阪神虎耳造型，並喺社交網同粉絲分享外，可愛度爆燈嘅佢，仲登上日本搜尋平台熱搜，引嚟唔少日本網友Like爆道：「希望成為阪神隊的專屬啦啦隊！」、「想請台灣的可愛女孩們，再次來日本！」而比賽當日，唔止邀請咗日本球星金本知憲擔任開球嘉賓，阪神虎啦啦隊Tigers Girls亦同Passion Sisters罕有合體，難得嘅首度日、韓、台啦啦隊成員同框畫面，令唔少球迷睇到眼都唔識眨！