《談判專家》票房衝破850萬　劉青雲將現身戲院謝票

劉青雲與吳鎮宇兩大影帝主演的電影《談判專家》上映6天（截至18日）票房已衝破850萬，向千萬邁進。而為答謝觀眾支持，少有出席謝票的青雲將於周末現身謝票。周文健（Michael）戲中被劉青雲脅持而擦出火花，但原來兩人已相識多年，Michael還大爆青雲旳英文名是三十多年前合作拍戲時由他所改：「佢個英文名亦都係我當時幫佢改嘅，Sean！所以咁多年後好似見返一個失去嘅老朋友咁，咁多年冇合作但係仍然有返我哋以前演戲嘅默契。」

至於姜皓文戲中與兩大影帝鬥戲，其中一幕鬧爆鎮宇的場面，他笑言覺得相當過癮：「鎮宇哥不嬲好Cool，喺現場就算拍戲都少傾偈，但係今次可以喺戲入邊，直頭兜口兜面對佢呼呼喝喝，過戲癮之餘自己都覺得好過癮。」