林寶玉「處女」被呃消化唔到　被騙財損五位數

藝人林寶玉工作關係經常周圍飛，早前她在網上購買往返日本和菲律賓商務客位機票，不幸誤墮騙局，付錢後對方便告消失，損失了1萬5000多元。自認外表精明，其實是「鱷魚頭老襯底」，笑言為了抒發不安，最終鼓起勇氣跟朋友分享，亦有去報案，報案期間被途人認出，覺得更加瘀。「朋友叫我喺社交平台公開，我當下未消化到，不過我都想多啲人有所驚剔，依家真係好多騙案。今次係第一次畀人呃，係另一個朋友傳條link畀我就無懷疑，而且個網站做到好真。最過分係朋友再跟住按條link，個網站仲運作緊，仲繼續想呃我朋友。」今次當買個教訓，以後會更加謹慎，寧願到實體店消費。另外，提到來年將代表香港應戰歐洲小姐選舉，現在每日跑步做運動，希望循序漸進慢慢減磅，保持身體健康。問她有冇信心拿獎？她表示：「無諗過獎項，但好期待，因為選完今次就收山喇！畀自己一次機會衝出香港參加選美。」