JW回復單身後首個生日　緋聞男友朱敏瀚避嫌冇送祝福

藝人JW（王灝兒）上月宣布同拍拖6年嘅破產男友葉韋彤（Tarzan）分手，被網友揶揄「只能共富貴，不能共患難」。前日（18日）佢迎嚟回復單身後首個生日，喺社交網晒出獨自拎住生日蛋糕許願嘅照片，獲大批圈中好友包括佘詩曼、周嘉洛、陳瀅等送上祝福，不過緋聞男友朱敏瀚就冇影，疑似係避嫌。

JW嘅家姐王仙兒（Cindy）亦有於社交網晒出多張一家人與JW慶生嘅相，力撐妹妹係個好堅強嘅人：「她是我認識的內在和外在最美麗的人，情感堅強、獨立和善良的人，生日快樂！」並指與家人會永遠支持妹妹，而JW亦有留言回覆感謝家姐。