陳浚霆揸百萬跑車奔馳　趕見陳星妤被路人斷正

藝人陳浚霆和陳星妤近日齊齊現身中環為無綫新劇集《金色森林》進行拍攝，陳浚霆親自駕駛百萬粉色跑車在中環街頭奔馳，去見飾演他太太的星妤，星妤更在陳浚霆的臉上獻上香吻，這等大場面即吸引大批途人圍觀，而星妤見到百萬跑車亦忍唔住要同佢打卡留念。

二人在接受節目訪問時，陳浚霆透露新劇將會玩轉海陸空，星妤會在劇中穿火紅泳衣登遊艇，大晒白滑美腿，對於記者指出星妤的泳裝未夠火辣時，星妤說：「我哋仲有保留，諗住劇集播出再畀大家睇。」而陳浚霆亦指星妤是「性感擔當」，笑言就算冇錢收都會拍：「因為實在太勁，我哋喺船上做咗好多唔同嘢，陳星妤亦都做咗好多令人噴血嘅演出。」另外，陳浚霆亦被問到有人質疑他不會駕駛名車，他就表示因車是租回來的，當時車主在場，所以使用時有壓力。