黃嘉雯牧場探驢仔諗起孟母三遷　爆發愛動物善心

前港姐冠軍黃嘉雯（Carmaney）早前到日本為無綫節目《動物森友島》拍攝，屋企有養狗狗，相當愛錫小動物的她到處探望小動物後亦有感而發，希望過得像小動物一樣簡單、實在：「人生嘅追求，係想變成動物一樣簡單，實實在在過好每一天生活。」

Carmaney去到一個牧場探驢仔想起了耳熟能詳的孟母三遷故事：「呢個故事聽得多，但又有幾多人願意為咗養自己心愛嘅動物而去搬屋？泰治先生就係為咗養呢幾隻驢仔先開咗呢個牧場。驢仔食嘅係自己親手種嘅草，住嘅係自己親手搭嘅農場，做嘅所有嘢都係為咗可以畀佢哋一個快樂又窩心嘅家。」