張振朗神交姚子羚勁滿足　傳炎明熹離巢張馳豪咁回應…

姚子羚與張振朗在將軍澳電視城出席無綫新劇《反黑英雄》記者會，兩人雖然在《包青天再起風雲》同劇拍攝，但未有對手戲，今次首度有對手戲合作，一個扮演江湖大嫂，一個飾演正邪難辨的臥底。振朗笑與子羚合作完成了他的兒時夢想：「細個讀書睇《四葉草》覺得呢個女仔好靚，子羚係好多男仔心目中嘅幻想對象。」振朗指兩人戲中未有親熱戲，笑言只有神交，問到可有遺憾？他說：「夠啦，希望下一次。」子羚笑言：「下一次等我咀你啦。」

另外，同樣有份出席記者會嘅張馳豪，扮演執法人員的他以制服亮相指雖然戲中不用騷肌，但也要為角色操弗，保持好身形。講到有傳炎明熹因不續約無綫而被「雪藏」未能出席港台頒獎禮？他表示並不清楚，但指假如將來Gi Gi離開公司，去了其他公司，自己感覺會好奇怪，因為大家一齊在《聲夢傳奇》成長，會掛住她。問到他是否也將約滿？他則說：「都仲有段時會喺公司學習。」