鄧洢玲晒比堅尼　林盛斌被嘲條褲濕晒

藝人林盛斌（Bob）在社交網上載了跟鄧洢玲（阿旦），在峇里島公司旅行時的水着合照，相中身材驕人的阿旦，身穿白色比堅尼泳衣，身材呼之欲出，性感爆燈，最搞笑是其中一張相，阿旦在游池邊擺出嫵媚甫士，Bob在泳池內露出半個頭眼甘甘望實對方，非常有故事性。

Bob圖文不符寫道：「可能你唔信，但係我真係好鍾意游水，之前公司旅行喺峇里島嗰幾日，可以日日游水，潛水，曬吓太陽，諗吓嘢，唔會好似其他人咁淨係喺度𥄫女撩女。我真係好熱愛運動，好健康嘅生活。」阿旦笑言：「我信㗎，正能量應該就係咁樣練成嘅。」不少圈中藝人的留言亦相當抵死，袁偉豪謂「你嘅笑容特別愉悅」、蕭正楠語帶相關「你濕晒嘅條褲」。