Frankie女友爆AK暗撻沈殷怡：你條仔一直有偷食！

男團MIRROR成員Frankie嘅圈外女友Christy，連日被踢爆鍾意搶人男友、專做小三，見一個愛一個等驚人愛情觀，仲暗示曾被MIRROR另一成員Anson Kong（AK）同時力追，最終佢選擇咗Frankie！今日（21日）又有疑似係Christy密友社交網嘅對話截圖瘋傳，當中Christy向Frankie表示「畀人block」，Frankie就以嘟嘴自拍回覆Christy，並表示：「錫番好冇。」Christy自稱「咩都冇做過」就被人封鎖帳號，而封鎖佢嘅人疑似係佢曾經嘅追求者AK。

而截圖中睇到，Christy轉發咗「咪神」沈殷怡（Shirley）嘅社交網發文，留言指：「呢個大陸阿嬋樣嘅三線奀星，逼AK block完我仲要特登黎睇我story宣示主權，收X啦八婆，你條仔一直有偷食㗎onX。」疑似暗指AK同沈殷怡曾發展地下情。睇翻AK同沈殷怡係同公司嘅藝人，曾經合作過，唔通就係因為咁而秘密拍過拖呢？對於被Christy踢爆暗撻AK，沈殷怡的經理人說：「我哋唔回應任何唔關我地事嘅嘢，辛苦哂！」