星玄｜古天樂擔正主角票房過億　有望衝擊香港電影第一

今日係6月22日農曆五月十七，最旺嘅生肖係肖狗，財運旺，可考慮投資股票，易有進帳。肖狗嘅古天樂，呢排真係財運大旺，主演嘅電影《九龍城寨之圍城》真係非常熱爆，票房已經過億，成績真係非常好，甚至有機會衝擊香港電影史最賣座華語片榜第一位，古天樂你對電影咁有熱誠，趁今日財運咁好，就快啲推下一部電影啦，票房成績肯定又唔錯呀！

今日幸運星係天秤座，幸運指數排第一，生活愜意，身心狀態佳。天秤座嘅白鹿，之前就拍古裝愛情劇《白月梵星》，呢排就主要忙緊綜藝節目，喺《奔跑吧兄弟》擔任主持，獲得唔少觀眾好評，而且仲擔任品牌代言人，一定賺得唔少啦。除咗工作，白鹿都識得利用時間好好休息，仲會抽時間同朋友，去雲南大理旅行，食咗好多當地美食，仲坐喺河邊同朋友合唱，真係可以話係多才多藝呀，白鹿仲好寵Fans，影咗清宮造型靚相，唔少粉絲都留言大讚靚女，今日咁幸運，事業生活一定好美滿呀！