游嘉欣新形象沙灘晒長腿施展徒手開西瓜

無綫小花游嘉欣（游游）近日為拍攝新劇而一改長髮造型，以清爽短髮示人，相當敬業。不過樣貌姣好的她就算改變髮型也依然Carry 得到，甚至增添了一分俏皮感，非常適合夏天。

昨日游游就在社交平台大晒沙灘靚相，她以掛脖背心上陣，搭配白色短褲，露出迷人鎖骨之餘，更盡騷白滑纖細長腿，她懷中抱着一個大西瓜，既清新又可人。看似柔弱的游游之後更上傳一段徒手開西瓜的影片，留言說：「一早已經想試下買粒西瓜喺沙灘食，事實證明野外開西瓜係唔需要有工具只需要力量，掉落沙再用手拉開，做咗甘耐gym就係為咗呢一刻。」即吸引不少網友紛紛留言畀LIKE表示游游「力大無窮」、「好勁啊」。