吳卓羲回味機師夢　預先學習做湊仔公

藝人吳卓羲（Ron）早前前往內地，參與綜藝節目《初入職場的我們》機長季錄影，乘機重溫當年拍攝《衝上雲霄》情懷，且與不少可愛小朋友同場，預先學習當湊仔公，Ron自言今次學習到不少有關航空的新知識：「因為參與錄影嘅，全部都係真．副機長，佢哋好Smart，而且識應變，我唔識咪問佢哋囉。」

節目其中一部分，Ron等需要移師往兒童遊樂場，與小朋友們互動，期間吸引大批旁人圍觀，場面墟冚。他大方任影唔嬲，更不忘揮手向在場粉絲們打招呼，相關照片於網絡瘋傳。談到當地與小朋友相處，他謂：「小朋友雖然好得意，但我要諗啲方法氹佢哋，好似講個故事佢哋聽，又用BB話解釋有關飛機嘅嘢畀佢哋知，好彩拍攝都算順利，差唔多1粒鐘就搞掂嘞。」