李多慧私密照遭籃籃曝光　嬲到扁嘴兼反晒白眼

台灣「樂天女孩」隊長籃籃，雖然早前一度被傳同已經離隊嘅林襄及李多慧關係不和，不過隨着佢主動現身球場欣賞林襄及李多慧嘅應援表演，並多次喺社交網晒出三人親密互動嘅片段後，不和謠言亦無疾而終。而不時透過社交網同網友分享日常點滴嘅籃籃，更成日分享「應該不會被友人發現」系列嘅醜圖，日前更晒出李多慧喺車上，將頭髮簡單紮起，招牌劉海亦被捲起嘅崩壞照，而籃籃亦附圖寫道：「多慧應該不會發現！」

未料時隔3個鐘，籃籃又再晒出一張李多慧嘟嘴嬲爆嘅相道：「多慧發現了。」只見變番平時咁索嘅李多慧，發現自己醜照被曝光後，擺晒臭臉兼反晒白眼對籃籃，引嚟唔少網友笑道：「我就知道一定會被李多慧發現！」、「那就多Po點，Po一張是死Po 100張也是死！」、「生氣還是好漂亮。」