游學修澄清冇同吳家忻不和：從來冇關注佢

藝人游學修、許賢、蘇致豪今日（23日）出席活動，談到近日游學修開設的頻道取消關注吳家忻（kayan9896），游學修表示自己社交網只關注幾個人，向來無關注對方，澄清無不和，許賢指家忻想發展音樂事業才分道揚鑣，但強調關係OK，見面會打招呼。

但問到Tyson Yoshi對取消家忻似有難言之隱，許賢笑言：「佢哋未必OK，可能有鬧交，我哋3個都會鬧交好正常，不過關係修補建立再修補，我諗佢哋係呢個階段。」另外，許賢提到媽媽當初不贊成他入行，擔心他被人看不起，但他選擇自己想走的話，媽媽最後亦軟化。