陳妍希大方公開現身再晒婚戒　陳曉依然無影避世

台灣女星陳妍希近日遭瘋傳同內地男神陳曉離婚，疑結束8年婚姻，不過兩人到依家都未有任何回應，態度令事件更似是而非。繼上周陳妍希偷偷出席新劇開鏡儀式後，佢今日（24日）大方公開現身，公開亮相宣傳新戲《親愛的仇敵》，仲同女星高葉、萬鵬手牽手上台。

「女主角」現身自然多人留意，一襲紅色平口小禮服晒少少事業線，手臂練出肌肉線條，又侃侃而談自己飾演嘅角色。不過最引人注目嘅係，佢左手無名指仲戴緊婚戒，疑似暗暗回應婚姻狀況。反而「男主角」陳曉雖然人劇組，不過佢完全冇露面，亦冇對事件作回應，似係刻意潛水。而近日亦有網民發現，陳妍希與陳曉的社交網IP位置還在浙江，認為離婚傳聞只是謠言。